"Tata Steel Chess-2023": Nodirbek Abdusattorov eng yaqin ta’qibchisiga qarshi dona suradi

Niderlandiyaning Veyk-an-Ze shahrida shaxmat bo‘yicha "Tata Steel Chess-2023" turnirining 11-tur bahslari bo‘lib o‘tadi.

Masters guruhida ishtirok etayotgan hamyurtimiz Nodirbek Abdusattorov ushbu turda o‘zining eng yaqin ta’qibchisi, mezbon shaxmatchi Anish Giriga qarshi dona suradi. Nodirbek hozirda 7 ochko bilan turnir jadvalida peshqadamlik qilmoqda. Giri esa 6,5 ochko bilan ikkinchi o‘rinda bormoqda. 

Chelenjerlar tasnifida g‘oliblik uchun kurashayotgan Javohir Sindarovga ham bu turda niderlandiyalik Maks Varmer raqib bo‘ladi. Javohir 6,5 ochko bilan jadvalda 3-pog‘onani egallab turibdi.