"Ливерпуль" қимматга олиб қўйган футболчисидан қутулмоқчи

"Ливерпуль" ҳужумчиси Дарвин Нунес клуб хоҳлаган натижани бера олмади. TodoFichajes порталининг хабар беришича, шу сабабли уругвайлик футболчи 2025 йилда мерсисайд клубини тарк этиши мумкин.  

Манбага кўра, Нунес "Спортинг" ҳужумчиси Виктор Дьёкереш учун ўрин бўшатиши мумкин, клуб раҳбарияти швециялик бомбардирни "Энфилд"га олиб келмоқчи.

Дарвин Нунеснинг "Ливерпуль" билан амалдаги шартномаси 2028 йилнинг ўртасигача амал қилади. Transfermarktнинг маълумотига кўра, 25 ёшли футболчининг бозор қиймати 65 миллион еврога баҳоланган.

Эслатиб ўтамиз, АПЛ гранди 2022 йилда Нунес учун "Бенфика"га 85 миллион евро тўлаган эди.