Флик "Райо"га қарши учрашувдан сўнг жамоасининг ўйинидан қониқмаганини айтди

"Барселона" бош мураббийи Ханс-Дитер Флик Ла Лиганинг 3-туридан ўрин олган "Райо Вальекано"га қарши баҳс (1:1)дан кейин жамоа ўйини ҳақида фикр билдирди.

"Жуда кўп хатоларга йўл қўйдик. Биз анча яхши ўйнай оламиз. "Райо" аъло даражада ҳаракат қилди. Мен жамоамдан мамнун эмасман, кўп тўп йўқотдик", — деди Флик.

Мураббий шунингдек, дарвозабон Жоан Гарсиянинг ўйинини алоҳида таъкидлади:

"У фантастик ўйин намойиш этди, унинг сэйвларини кўриш ажойиб эди".

Флик сўзини шундай якунлади:

"Ўйиндан сўнг футболчилар билан гаплашдим. Ҳозир улар терма жамоаларга кетишади. Биз янада яхши ўйнашимиз керак", - дея таъриф бериб ўтди германиялик мутахассис.