Флик ўнта футболчидан қутилмоқчи

“Барселона” янги мавсумга тайёргарликни Осиё турнеси билан якунлайди. 27 июлга мўлжалланган сафар доирасида Ханс-Дитер Флик шогирдлари Жанубий Кореянинг “Сеул” ва “Тэгу” жамоалари билан ўртоқлик ўйинида иштирок этади.

Каталонияликлар турне доирасида Япониянинг “Вассел Кобе” футболчилари билан ҳам куч синашиши режалаштирилган эди. Бироқ ушбу баҳс ташкилотчилари “Барселона” билан молиявий шартларни келиши олмагани боис, каталонияликлар ўйинни бекор қилди.

Ханс-Дитер Флик янги мавсум олдидан асосий таркибни шакллантириш учун 35 та футболчи орасидан энг зўрларини танлаб олиши талаб этилади.

Сўнгги маълумотларга қараганда, Флик асосан тажрибали ўйинчиларга суянмоқчи ва асосий таркибга киришга уринаётган ёш ўйинчилардан Ландри Фарре, Хофре Торрентс, Тони Фернандес, Педро Фернандес ва Дани Родригесга биринчилардан бўлиб чиқиш эшиги очилади.

MundoDeportivo нашрига кўра, мураббийлар штаби янги мавсумда асосий жамоа аъзоларидан Иньяки Пенья, Ориоль Ромеу, Андреас Кристенсен ва Пау Виктор билан ҳам хайрлашишга тайёр.

Шунингдек, жароҳатдан қутилган ёш футболчи Марк Берналнинг ҳам “Барселона”даги келажаги кафолатланмагани айтилмоқда.