Флик жамоадаги муҳитнинг бузилишидан хавотирда

"Барселона" бош мураббийи Ханс-Дитер Флик жамоадаги аввалги кайфиятни йўқотишдан қўрқмоқда. Германиялик мураббий жорий мавсум стартида нохуш тенденцияни пайқади. Яъни ҳар бир футболчи ўтган мавсумга қараганда индивидуал хусусиятларга кўпроқ таянишга ҳаракат қиляпти.

Бирдамлик ва жамоавий ҳамкорлик "кўк-анорранглилар"нинг ажойиб ўтган мавсумдаги муваффақиятининг калити эди, шунинг учун бошқарувдагилар вазиятдан жиддий хавотирда.

Ла Лига 3-туридан ўрин олган "Барселона" - "Райо Вальекано" (1:1) баҳси бўлиб ўтди. Ўйиндан сўнг Флик ўз футболчиларининг худбинлик қилишига йўл қўймаслигини эълон қилди.