Флик жамоа дарвозабонининг ҳаракатларини юқори баҳолади

"Барселона" бош мураббийи Ханс-Дитер Флик дарвозабон Жоан Гарсиянинг "Райо Вальекано"га қарши ўйиндаги (1:1) ҳаракатлари ҳақида ўз фикрини билдирди. 24 ёшли дарвозабон рақибларнинг бешта зарбасини қайтариб, учрашувнинг қаҳрамонига айланди. Айнан Гарсия ўйиннинг энг яхши футболчиси деб тан олинди.

- Мен Жоанни ажойиб ўйини билан табрикладим. Унинг жамоани қутқариши ва ўйинни қуришини кўриш жуда ажойиб эди. У биронта ҳам хатога йўл қўймади ва ҳужумларни жуда ишончли тарзда бошлади. Шундай ўйинчини жамоамизга қўшиб олганимиздан хурсандман, - деди Флик ўйиндан кейин.

Жоан Гарсия "Барселона"га ёз бошида "Эспаньол"дан ўтган эди. Трансфер нархи 25 миллион еврони ташкил этди.