“Челси” қадрламаган дарвозабонни 8 та клуб талашяпти

“Челси” дарвозабони Жорже Петрович келаси мавсум олдидан ўзига жамоа топиши керак. 25 ёшли голкипер ўтган мавсумни Франция чемпионатида “Страсбур” жамоасида ижарада ўтказди.

Гарчи бу посбон “аристократлар”га керак бўлмай қолган бўлса-да, уни саккизта жамоа талашяпти.

Асосий даъвогар сифатида Англия Премьер-лигасига қайтган “Лидс” тилга олинмоқда. Бу жамоа маҳоратли дарвозабон қидиряпти.

Бундан ташқари, “Страсбур” Петровични яна бир йил ижарага олиш истагини билдирди.

Шунингдек, “Астон Вилла”, “Брентфорд”, “Вулверхэмптон”, “Байер”, “Ювентус” ва “Фиорентина” ҳам 25 ёшли сербиялик посбонни ўз сафига чорлаяпти.

“Челси” Петровични 2023 йилнинг ёзида МЛСнинг “Нью-Инглэнд Революшн” клубидан 13,6 миллион фунт стерлинг эвазига трансфер қилган эди.