Biz uchun muhim jang muddatidan oldin yakunlandi

Amerika Qo‘shma Shtatlarida "Premier Boxing Champions" kompaniyasi tomonidan tashkil etilgan professional boks oqshomi yakuniga etdi. Asosiy jangda yarim o‘rta vazn (66,6 kg) chempionlari Errol Spens (28-0, 22KO) va Yordenis Ugas (27-5, 12KO) WBC, IBF va WBA kamarlari uchun ringga ko‘tarildi. Jangning 10-raundida Ugasning ko‘zidagi jarohat jiddiylashgani tufayli, shifokor bahsni davom ettirishga ruhsat bermadi. Shu tariqa Spens texnik nokaut evaziga g‘alaba qozondi va 3 ta jahon chempionlik kamarini o‘ziniki qildi.

Eslatib o‘tamiz, IBF kamariga mag‘lubiyatdan oldin Qudratillo Abduqahhorov da’vogar edi. Shuningdek, yana bir bokschimiz Shahram G‘iyosov ham 7 may kuni aynan shu vaznga ko‘targan holda jang o‘tkazadi.