"Барселона" ўз ҳамкори билан шартномани узайтирди

Каталониянинг “Барселона” клуби ва Spotify компанияси ҳамкорликни 2030 йилгача узайтириш бўйича янги битимга эришди.

Маълумотларга кўра, томонлар 2022 йилдан бери амал қилиб келаётган ҳамкорликни давом эттиради. Унга кўра, Spotify логотипи клубнинг эркаклар ва аёллар жамоалари формасида, шунингдек, машғулот кийимларида жойлаштирилади. Бундан ташқари, Spotify компанияси “Камп Ноу” стадиони номидан фойдаланиш ҳуқуқини 2034 йилгача сақлаб қолди.

Маълумот учун, “кўк-анорранглилар” Ла Лиганинг жорий мавсумида 8-турдан сўнг 19 очко жамғарган ва турнир жадвалида 2-ўринни эгаллаб турибди.