“Барса” тарихидаги энг зўр ўйинчилар рейтинги тузилди. Ким биринчи ўринда?

Буюк Британиянинг машҳур FourFourTwo нашри “Барселона” тарихидаги энг зўр 50 нафар ўйинчи рейтингини тузиб чиқди.

Ушбу рўйхатда энг юқори поғонани саккиз карра “Олтин тўп” соҳиби Лионель Месси эгаллади. Кучли учликдан аргентиналик юлдуз билан бирга ўйнаган испан футболчилари – Хави Эрнандес ва Андрес Иньеста ҳам ўрин олди.

FourFourTwo талқини бўйича “Барселона”нинг энг яхши ўн нафар ўйинчиси рўйхати қуйидагича кўриниш олди:

Лионель Месси;

Хави;

Андрес Иньеста;

Йохан Круифф;

Роналдиньо;

Диего Марадона;

Самуэль Это′О;

Рональд Куман;

Сесар Родригес;

Микаэль Лаудруп.

Лионель Месси Каталония суперклуби тизимида 2000-2021 йиллар давомида фаолият кўрсатган. У “Барселона” сафида барча турнирларда 778 та учрашув ўтказиб, 672 та гол ва 303 та ассист муаллифи бўлган.