Саудия Про-лигаси. "Ан-Наср" Роналдусиз иккинчи ўйинда ҳам ғалаба қозонди

"Ан-Наср" Криштиану Роналдусиз ўтказилган икки учрашувда ҳам ғалаба қозонди.

Жума куни Саудия Арабистони чемпионати доирасида жамоа "Ал-Иттиҳод"ни 2:0 ҳисобида мағлуб этди. 41 ёшли Португалия терма жамоаси ҳужумчиси ушбу баҳсда иштирок этмади. У бундан аввал "Ал-Рияд"га қарши ўйинни (1:0) ҳам ўтказиб юборган эди. Шунингдек, Роналду учрашувдан кейинги машғулотда ҳам қатнашмагани ҳақида хабарлар тарқалган.

Аввалроқ Криштиану Саудия Арабистони Суверен жамғармаси клубни бошқариш услубидан норози экани маълум қилинган эди. Айниқса, "Ал-Ҳилол" билан таққослаганда ёндашувдан қониқмаётгани айтилган. Шунингдек, Роналду жамғарма клубнинг чемпионлик учун курашига тўсқинлик қилмоқда, деб ҳисоблаши ва ёзда МЛС ёки Европага кетиши мумкинлиги ҳақида ҳам хабарлар чиққан.

Бугун эса Роналдуни "Ал-Иттиҳод"га қарши ўйнашга кўндиришнинг иложи бўлмагани маълум қилинди. "Ан-Наср" бош мураббийи Жорже Жезуш эса ватандошининг позициясини қўллаб-қувватламоқда ва матбуот анжуманларида иштирок этмаётгани айтилмоқда.