"Реал" Моуриньо ўрнига машҳур мураббийни танлади

Мадриднинг машҳур «Реал» клуби раҳбарияти жамоа натижалари яқин вақт ичида яхшиланмаса, бош мураббий Жозе Моуриньо ўрнига олиб келадиган номзодни аниқлаб бўлди. 

ЕsRadio радиостанцияси бош бошловчиси Серхио Валентиннинг таъкидлашича, португалиялик мутахассис ўрнига жамоани француз мураббийи Дидье Дешам бошқариши мумкин.

«Бу маълумотни Хорхе Пиконга таянган ҳолда эълон қиляпман. Флорентино Перес ўзининг яқин атрофига жамоа ишлари яхшиланмаса, Жозе Моуриньо ўрнини ким эгаллаши мумкинлигини аллақачон ҳал қилганини айтган. Бу — Дидье Дешам», — дея ёзади Валентин.

Ла Лиганинг тўққиз туридан сўнг «Реал» турнир жадвалида 21 очко билан учинчи ўринни эгаллаб турибди. Биринчи поғонада 27 очко жамғарган «Барселона» жойлашган. Мадриднинг яна бир клуби — «Атлетико» эса 22 очко билан иккинчи ўринда бормоқда.