Мен Холандни клубда кўришни истамайман!

«Манчестер Юнайтед» собиқ ҳимоячиси Пол Паркернинг фикрича, жамоа ҳужумчи эмас, аввало ҳимоя чизиғини мустаҳкамлашга эътибор қаратиши керак. Шу боис у «Манчестер Сити» юлдузи Эрлинг Холандни «Олд Траффорд»га таклиф қилиш тарафдори эмаслигини айтди.

«Эҳтимол, бундай трансфер амалга ошиши ўзи ҳам реал эмасдир. Лекин барибир мен Холандни «Манчестер Юнайтед»га олиб келмасдим. Унинг ўйин услубини инобатга олган ҳолда, мен уни бу клубда кўришни истамайман. 

Мен ундан воз кечган бўлардим. Кўпчилик учун у очиқ-ойдин танлов, аммо мен учун эмас. У менга умуман қизиқ эмас», – дея таъкидлаган Паркер Mirror нашрига берган интервьюсида.

Паркер ҳимояни кучайтириш учун эҳтимолий номзод сифатида Нико О’Райли ва Марк Гехини тилга олди.