"Ньюкасл" ҳимоячиси "Сан-Паулу"га ўтди

"Ньюкасл" ўз ҳимоячиси Жамол Льюисни Бразилиянинг "Сан-Паулу" жамоасига ижарага берди. 26 ёшли ҳимоячининг ижара шартномаси мавсум охиригача амал қилади. Шартномада сотиб олиш опцияси ҳам мавжуд.

"Ҳаққалар" Льюисни 2020 йилда "Норвич"дан 15 миллион фунт стерлингга сотиб олган эди. Бу вақт ичида у клуб сафида Премьер-лигада жами 31 та ўйин ўтказди. Ўтган мавсумни эса, у чемпионшипда "Уотфорд" сафида ижара асосида ўйнади.