"Насаф" Қаршидаги сўнгги назорат учрашувида дуранг ўйнади

Бугун "Насаф" Қаршидаги тайёргарлик доирасида сўнгги назорат учрашувида майдонга тушди. Рақиб Ғузорнинг "Шўртан" жамоаси бўлди. Голларга бой кечган учрашувда жанговар 2:2 ҳисоби қайд этилди.

Учрашувнинг биринчи бўлимида ҳисоб очилмади. Иккинчи бўлимнинг 62-дақиқасида Баҳодир Ҳалилов ҳисобни очди. 70-дақиқада Шаҳбоз Нуриддинов жарима зарбасини голга айлантириб, ҳисобни тенглаштирди. 79-дақиқада Сардорбек Баҳромов “аждарларни” ҳисобда олдинга олиб чиқди. 81-дақиқада жарима зарбасини Ислом Кенжабоев голга айлантирди - 2:2. Учрашув шу ҳисобда ўз якунига етди.