Месси, сенга бунақа таклифни бошқа ҳеч ким бермайди!
- 2-август 2025, 08:18
- Zohir Toshxo’jayev
- 0
- Футбол
2023 йилнинг ёзида ПСЖдан АҚШга кўчиб келган Лионель Мессининг “Интер Майами” билан амалдаги шартномаси шу йилнинг 31 декабрь куни якунланади.
Айни пайтда томонлар ҳамкорликни узайтириш бўйича музокара ўтказмоқда.
Нуфузли манба – Marca нашри клуб таклиф қилаётган шарт-шароитларга ойдинлик киритди.
Манбага кўра, майамиликлар 38 ёшли футболчига 2038 йилнинг охиригча давом этадиган битим беришни мўлжаллаяпти. Агар Месси 41 ёшдан кейин ҳам майдонда тўп тепишни истаса, келишув муддатини яна узайтириш имкони бўлади.
“Интер Майами” раҳбарияти аргентиналик юлдуз “истаги ва кучи борича” жамоада ўйнашини истаяпти. Клуб Мессига узоқ муддатли шартнома бераётган бўлса-да, футболчи ўзи истаган пайтда бу ҳамкорликни тўхтатиш ҳуқуқига эга бўлади.
Энг муҳими, “Интер Майами” хўжайинлари Месси фаолиятини якунлаганидан кейин клубдаги лавозимлардан бирини эгаллашини кутяпти. Аргентиналик жаҳон чемпиони клуб акцияларига ҳам эгалик қилиш орқали бошқарув тизимида бирор лавозимни эгаллаш имконига эга.
Лионель Месси бу клубга келганидан бери барча турнирларда 69 та учрашув ўтказиб, рақиблар дарвозасини 58 маротаба ишғол қилди ва жамоадошларига 28 та голли пас узатди.