Машҳур юлдуз “Барса”дан кетишга рози бўлди

Германиялик машҳур дарвозабон Марк-Андре тер Штеген ўйин амалиётига эга бўлиш учун ижара асосида Нидерландиянинг «Аякс» клубига ўтишга тайёр. Бу ҳақда Diario SPORT нашри хабар берди.

Манба маълумотига кўра, 34 ёшли посбон спорт директори Йорди Кройф ва бош мураббий Мичелнинг лойиҳасига ишонмоқда. Бироқ трансфер амалга ошиши учун «Барселона»нинг якуний розилиги талаб этилади.

«Аякс» Тер Штегеннинг маошининг фақат 15 фоизини тўлашга тайёр, қолган қисми эса «Барселона» зиммасида қолади.

Январдан май ойигача Тер Штеген ижара асосида «Жирона» сафида ўйнаган. Ўша вақтда жамоани айнан Мичел бошқарган. Германиялик дарвозабон Ла Лигада 2 та ўйинда майдонга тушиб, 2 та гол ўтказиб юборган.