Максим Шацких: "Дарвозабонни айблай олмайман"

Суперлиганинг 24-туридан ўрин олган “Нефтчи” - “Андижон” (2:0) учрашувидан кейинги матбуот анжуманида дастлаб меҳмонлар бош мураббийи Максим Шацких қатнашди.

- Ҳаммага хайрли кеч. Кўп гапирмайман, асосан бир нарсани айтиб ўтаман: кўриниб турибдики, йигитларни чарчагани сезилиб турди. Қисқа графикда 5 та ўйин ўтказдик. Биринчи бўлимдаёқ бизга анча қийин бўлиши билинганди. Учрашувдан сўнг футболчиларга раҳмат айтдим. Тақвим жуда тиғиз тузилган. Баъзи ўйинчилар бундай режимда ишлаб ўрганишмаган. Қолаверса, рақибимиз ҳам кучли. Яхши даражадаги жамоа эканини алоҳида таъкидлашим керак. Индивидуал жиҳатдан тажрибали футболчилари кўплигини ҳам айтиб ўтиш керак. Биз босқичма-босқич кейинги учрашувларга яхши тайёргарлик кўриб борамиз. Энди терма жамоамизни ўйинлари сабабли чемпионатимизда пауза бўлади. Шу вақт оралиғида ўйинимизни янада яхшилаб олишга ҳаракат қиламиз. Худо хоҳласа, жароҳат олганлар ҳам ундан фориғ бўлиб сафга қайтишади, деган умиддаман. Биз олдинга қараб интилишга ҳаракат қиламиз.

- Ўтказиб юборилган биринчи голга ким жавоб беради?

- Дарвозабонни айблай олмайман. Тан оламан, ўткир бурчакка зарба берилди. Ўйинни видеосини кўриб чиқамиз. Шундан сўнг хулосага келаман. Яна қайтараман, дарвозабонни айблай олмайман.

- Мавсум охирлаб қоляпти. “Андижон” чемпионат сўнггига қадар керакли очколарини тўплай оладими?

- Декабрда кўрамиз.