Ла Лига раҳбари Неймарнинг “Барса”га ўтиш имкониятини баҳолади
- 28-феврал 2025, 20:12
- Ali Ahmadxo’jayev
- 0
- Футбол
Жаҳон футболини ёритиб келаётган манбалар Саудия Арабистонидаги фаолиятини якунлаб, Бразилияга қайтиб борган Неймар ўз юртида ҳам узоқ қолмаслигини ёзмоқда.
Бир неча манбалар 33 ёшли футболчи ёзда “Барселона”га кўчиб ўтишни режалаштираётганидан хабар беряпти.
Бу янгиликлар Ла Лига президенти Хавьер Тебас ўз муносабатини билдирди.
- Мен Неймарнинг қачондир “Барселона”га қайтишига ишонмайман. У келмаслигига ишончим комил, - деди Хавьер Тебас.
Неймар 2013-2017 йиллар давомида Каталония суперклуби сафида 186 та учрашувда иштирок этиб, ўз ҳисобига 105 та гол ва 76 та ассист расмийлаштирган. 2017 йили каталонияликлар уни 222 миллион еврога ПСЖга трансфер қилган. Бу савдо ҳамон трансфер рекорди ҳисобланади.
Бразилиялик юлдуз Парижда 2023 йилнинг ёзигача тўп тепди. Кейин Саудия Арабистони чемпионатига йўл олди. “Ал-Ҳилол”даги фаолияти оғир жароҳатлар туфайли муваффақиятли чиқмади. Неймар янги йил бошида ўзини тарбиялаган “Сантос”га қайтиб борди.