КЎЖЧ. Ҳусанов захирада қолдирилган учрашувда "Манчестер Сити" "Ювентус"ни йирик ҳисобни ютди

Клублар ўртасидаги Жаҳон чемпионати "G" гуруҳининг сўнгги туридан ўрин олган "Ювентус" - "Манчестер Сити" клублари иштирокидаги беллашув ўз ниҳоясига етди. 
 
Хосеп Гвардиола бошчилигидаги "шаҳарликлар" турнликларни 2:5 ҳисобида таслим этиб, гуруҳни пешқадам бўлиб якунлади. Учрашувнинг 9-дақиқасида Доку чиройли зарба билан ҳисобни очди. Орадан 2 дақиқа ўтиб эса Копмейнерс тезда ҳисобни тенглаштиришга муваффақ бўлди. Кейин 26-дақиқада "Ювентус" ҳимоячиси Калулу автоголга сабабчи бўлиб, ўз дарвозасини ишғол қилиб қўйди. Иккинчи бўлимнинг 52 ва 69-дақиқаларида Холанд ва Фоден ҳам ўз ҳисобларига гол ёздириб қўйди. 84-дақиқага келиб эса Йилдизнинг узатмасини Влахович голга айлантириб, орадаги фарқни бироз бўлса-да, қисқартирди. 
 
Ушбу ғалаба орқали манчестерликлар гуруҳ босқичини 100 лик натижа билан якунлади.