Камару Усман чемпион билан жанг қилмоқчи!

Америкалик Хоакин Баклини мағлуб этган таниқли ММА устаси Камару Усман кейинги рақиблари ҳақида гапирди.

Охирги жанги орқали Усман ҳали ҳам кучдан қолмагани ва чемпионлик учун кураша олишини ҳаммага кўрсатиб қўйди. Энди у ярим ўрта вазнда амалдаги чемпион Жек Делла Маддалена ва россиялик Ислом Махачев тўқнашуви ғолибига қарши октагонга кўтарилишни истамоқда.

Маълумот учун, Камарунинг "UFC on ESPN 69" турниридаги муваффақияти 2021 йилнинг ноябридан бери қўлга киритган биринчи ғалабаси эди.