Иан Гарри Ислом Махачевга қарши жангдан сўнг нималар деди?

Ирландиялик UFC жангичиси Иан Гарри "UFC 330" турнирида Ислом Махачевдан мағлубиятга учради. Шундан сўнг "Мачадо" бунинг сабабини изоҳлаб ўтди.

"Ислом, сиз ажойиб инсонсиз ва мен сизни жуда ҳурмат қиламан. Ғалаба билан табриклайман! Жангга келсак, мени ҳеч нарса ажаблантирмади. Махачев камарга муносиб эди. Россиялик бизнинг дивизионга кўтарилганида, унга дарҳол иккинчи камар учун курашишга имкон беришимиз кераклигини айтгандим. Гарчи бутун қалбим билан ундан яхшироқ эканимга ишонардим, бироқ мазкур тўқнашувда у ғалаба қозонди. Ҳеч қандай шикоят ва баҳона йўқ. Бу ҳаётимдаги энг яхши лагерь эди. Эҳтимол, бу жанг мени бир қадам орқага улоқтирар, лекин кейин ўнта сакраш олдинга бўлади. Мен сайёрадаги энг яхши P4P жангчисига, тарих яратган одамга қарши қаттиқ жанг қилдим. Барча мухлисларимдан узр сўрайман. Ҳаммангизни яхши кўраман!" - деди Иан.

Эслатиб ўтамиз, Ислом Махачев "UFC 330" дан сўнг промоушен тарихида энг узоқ ғалабали серия қайд этган UFC жангчисига айланди.