Элит ОЧЛ. “Ал-Аҳли” экстра таймда гол уриб, чорак финалга йўл олди

Элит Осиё Чемпионлар лигасининг 1/8 финал босқичи доирасидаги учрашувлар давом этмоқда.

“Ал-Аҳли” ўз майдонида Қатарнинг “Ал-Дуҳайл” жамоасини қабул қилиб, 1:0 ҳисобида ғалаба қозонди. Ягона гол 117-дақиқада Рияд Маҳрез томонидан киритилди.

Шунингдек, 112-дақиқада Иван Тоуни пенальтини голга айлантира олмади.

Шу тариқа, саудияликлар чорак финалда Малайзиянинг “Жоҳор” клубига қарши майдонга тушади.