Бундеслига. "Бавария" қийинчиликсиз "Боруссия Мюнхенгладбах"ни енгди

Бундеслиганинг 25-туридан ўрин олган баҳсда "Бавария" ўз уйида "Боруссия Мюнхенгладбах"ни қабул қилди ва йирик 4:1 ҳисобида ғалаба қозонди.

Дастлаб, 33 ва 45+1-дақиқаларда Лаймер гол уриб, ҳисобни 2:0 кўринишига келтирди. Иккинчи бўлимда эса Райз орадаги фарқни қисқартирди. 57-дақиқада Мусиала катта саҳнага чиқиб, жамоасининг 3-голини киритди. Шундан сўнг Жексон ҳисобни йириклаштирди — 4:1.

Шу тариқа, мюнхенликларнинг очколари 66 тага етди ва жамоа турнир жадвалида пешқадамлик қилмоқда.