Биринчи совринини қўлга киритган Ҳусановнинг ўйини қандай баҳоланди?
- 22-март, 23:59
- Ali Ahmadxo’jayev
- 0
- Футбол
Англия Лига кубогининг финал босқичидан ўрин олган “Арсенал” ҳамда “Манчестер Сити” ўртасидаги учрашув якунланди.
Финал беллашувида Гвардиола шогирдлари “тўпчилар”дан 2:0 ҳисобида устун келди ва Лига кубоги совринини қўлга киритди. Дастлаб учрашувнинг 60-дақиқасида Нико О’Райли “шаҳарликлар”ни ҳисобда олдинга олиб чиқди. Орадан 4-дақиқа ўтиб, Никонинг ўзи дублни расмийлаштирди.
Маълумот учун, “Манчестер Сити” 9-марта Англия Лига кубогини қўлга киритмоқда.
Ушбу финал баҳсида легионеримиз Абдуқодир Ҳусанов тўлиқ ҳаракат қилди.
Миллий терма жамоамиз аъзосининг "тўпчилар"га қарши учрашувда нуфузли статистик дастурлар томонидан қўйилган баллари билан танишинг:
“SofaScore” — 7.0, “FlashScore” — 6.6, “Whо Scored” — 7.01 ва “FotMob” томонидан 7.4 баллга лойиқ кўрилди.