Артета машғулотда яна ноодатий усулдан фойдаланди
- 7-апрел, 13:03
- Bilolbek Imomov
- 0
- Футбол
"Арсенал" бош мураббийи Микель Артета машғулотлардаги ноодатий ёндашувлари билан яна эътибор марказига тушди.
Бир неча ой аввал матбуотда Артета футболчиларнинг диққатини ошириш учун ҳатто чўнтаккесарларни ёллагани ҳақида хабарлар тарқалган эди. Мақсад жамоага ҳар доим концентрацияни сақлаш қанчалик муҳим эканини кўрсатиш бўлган.
Энди эса оммавий ахборот воситалари душанба кунги машғулотда бажарилган яна бир қизиқ машқни муҳокама қилмоқда. Футболчилар гуруҳларга бўлинган ҳолда ёзиш учун мўлжалланган ручкаларни биргаликда ушлаб туришган. Шу пайтнинг ўзида улар тўпни ҳам назорат қилишган. Аввалига бу оёқ билан бажарилган бўлса, кейинроқ бош билан ҳам давом эттирилган.
Кўринишидан, Артета бу машқ орқали футболчиларни бир вақтнинг ўзида икки нарсага эътибор қаратишга ўргатмоқчи.
Ҳозирда "Арсенал" Англия Премьер-лигаси жадвалида пешқадам бўлиб турибди ва клуб 2004 йилдан бери илк бор чемпион бўлиш имкониятига эга.