АПЛ тарихидаги энг расво трансферлар: Кимлар бор?

Украиналик футболчи Михаил Мудрик ESPN талқинига кўра, Англия Премьер-лигаси тарихидаги энг омадсиз трансферлар рейтингида биринчи ўринни эгаллади.

2022-2023 йилги мавсумида “Челси” Мудрикни “Шахтёр”дан 70 миллион евро эвазига сотиб олган эди. Нашр экспертларининг таъкидлашича, юқори нархига қарамай, Мудрикнинг ўйини клуб кутган натижани бермади.

У “Челси” сафида 73 та ўйинда иштирок этиб, 10 та гол урди ва 11 та голли узатма амалга оширди, аммо бу трансфердан клуб кутган самарани олгани йўқ. Украиналик футболчи иштирок этган сўнгги расмий ўйин 2024 йил ноябрь ойи охирида Конференциялар лигасида “Хайденхайм”га қарши (2:0) учрашув бўлиб, у ўша баҳсда гол урган эди. Кейинчалик ўйинчи қонидан допинг топилган ва у дисквалификацияга учраган.

ESPN талқини бўйича АПЛ тарихидаги энг омадсиз 10 трансфер

1. Михаил Мудрик — «Шахтёр»дан «Челси»га, 70 миллион евро
2. Антони — «Аякс»дан «Манчестер Юнайтед»га, 95 миллион евро
3. Николя Пепе — «Лилль»дан «Арсенал»га, 80 миллион евро
4. Али Диа — «Саутгемптон»га эркин агент сифатида
5. Дэниел Дринкуотер — «Лестер»дан «Челси»га, 37,9 миллион евро
6. Рикардо Альварес — «Интер»дан «Сандерленд»га, 10,5 миллион евро
7. Ромелу Лукаку — «Интер»дан «Челси»га, 113 миллион евро
8. Жейдон Санчо — «Боруссия Дортмунд»дан «Манчестер Юнайтед»га, 85 миллион евро
9. Томас Бролин — «Парма»дан «Лидс Юнайтед»га, 5,3 миллион евро
10. Калвин Филлипс — «Лидс Юнайтед»дан «Манчестер Сити»га, 49 миллион евро.