"Yaponiya himoyasini yorib o‘tish qiyin bo‘lmadi. Ikkita gol buni ko‘rsatib turibdi"

Xabaringiz bor, kecha O‘zbekiston OTJ Yaponiyani 2:0 hisobida taslim etib, Osiyo kubogi finaliga yo‘l oldi. Uchrashuvdan so‘ng terma jamoamiz yarim himoyachisi Husayn Norchaev o‘z fikrlari bilan o‘rtoqlashdi. 

- Yaponiya himoyasini yorib o‘tish juda ham qiyin bo‘lmadi. Sababi, ikkita gol ham buni ko‘rsatib turibdi.

- Bugungi golimni barcha vatandoshlarimizga bag‘ishlayman. Staidonga ular kiritilmagan bo‘lsa ham tashqarida bizni qo‘llab-quvvatlab turishdi.

- Guruhdagi o‘yinlar o‘zimga u qadar ham yoqmadi. Chorak hamda yarim finallarda o‘zimni ko‘rsatishga harakat qildim.

- Qarshidagi bahsda o‘zimda ikkita yaxshi vaziyat bo‘ldi, ammo foydalana olmadim. Assistlarga keladigan bo‘lsak, bu jamoaviy o‘yin. Jamoa g‘alaba qozonsa, hammamiz xursand bo‘lamiz.

- Kapadze hamda Berdievning o‘xshashliklari bor. Ikkalasi ham zamonaviy murabbiylar va yangicha taktikalardan foydalanadi. Umuman olganda, ikkisi ham deyarli bir xil mutaxxassislar.

- Biz Dubaydagi o‘yinda Saudiya bilan ancha yaxshi o‘ynagandik. Shunchaki ikkita xato evaziga ular gol urib ketgandi. Finalda yaxshiroq harakat qilib, yurtimizga chiroyli g‘alaba taqdim etishga harakat qilamiz.