Rossiya terma jamoasi Qatar bilan o‘rtoqlik o‘yini o‘tkazadi

Qatar futbol assotsiatsiyasi matbuot xizmati Rossiya terma jamoasi bilan 12 sentyabr kuni “El Janub” stadionida bo‘lib o‘tadigan nazorat uchrashuvini e’lon qildi. Uchrashuvning boshlanishi Toshkent vaqti bilan 20:15 ga belgilangan.

Avvalroq Rossiya terma jamoasi Misr olimpiya terma jamoasiga qarshi ikkita o‘rtoqlik uchrashuvi o‘tkazishi ma’lum bo‘lgan edi. Uchrashuvlar 7 va 11 sentyabr kunlari bo‘lib o‘tadi.

Eslatib o‘tamiz, Rossiya terma jamoasi bosh murabbiyi Valeriy Karpin sentyabr oyidagi yig‘inga 49 nafar futbolchini chaqirgan edi.

Rossiya 26-mart kuni so‘nggi o‘rtoqlik uchrashuvini Iroqqa qarshi o‘tkazgandi.