Ronaldu bir o‘yinda ikkinchi super rekordni “mixladi”!
Evropa chempionatining dastlabki uchrashuvida Vengriya terma jamoasi darvozasiga ikkita gol urib, Portugaliyaning 3:0 hisobidagi g‘alabasini ta’minlagan Krishtianu Ronaldu tarixiy rekord sohibiga aylandi.
Ushbu uchrashuvdan oldin Krishtianu Ronaldu Evropa chempionati to‘purarlari bahsida Mishel Platini bilan birinchi o‘rinni egallab turgandi.
Muhim bahsda dubl qayd etgan portugaliyalik yulduz qit’a chempionatlari final bosqichdagi gollari sonini 11 taga etkazib, yaqqol rekordchiga aylandi. Yaqin o‘rtada uning rekordini uradigan futbolchi yo‘q. Buni eng kuchli to‘purarlar o‘nligidan ham bilsa bo‘ladi.
Krishtianu Ronaldu (Portugaliya) — 10 ta gol
Mishel Platini (Frantsiya) — 9 ta gol
Alan Shirer (Angliya) — 7 ta gol
Zlatan Ibrohimovich (Shvetsiya), Terri Anri (Frantsiya), Patrik Klyuyvert (Niderlandiya), Nunu Gomesh (Portugaliya), Ruud van Nistelroy (Niderlandiya), Ueyn Runi (Angliya), Antuan Grizmann (Frantsiya) — 6 tadan gol.
Fikrlar