Terri Anri: Bu "Barselona"ni hech kim enga olmaydi!

"Barselona"ning frantsiyalik sobiq hujumchisi Terri Anri Ispaniya La Ligasining 11-turidan o‘rin olgan "Real"ga (4:0) qarshi o‘yinda qozonilgan yirik hisobdagi g‘alabadan so‘ng "ko‘k-anorranglilar" haqida fikr bildirdi.

“Evropa jamoalari “Real”dan, “Real” esa “Barsa”dan qo‘rqadi. "Barselona" hisob-kitob jamoasiga aylandi. "Bavariya"dan keyin navbat "Real"ga keldi. Lamin Yamal Messi, Rafinya Ronaldino, Pedri esa Inesta kabi o‘ynadi. Huddi 2011 yilgi “Barselona”ni tomosha qilayotgandekman. Jamoa avvalgi holatiga qaytdi. Uni hech kim to‘xtata olmaydi. U hamma turnirlarda g‘alaba qozonadi, unga qarshi chiqqan har qanday jamoa bugungidek jazolanadi", — dedi Anri Mundo Deportivo nashriga bergan intervyusida.