Тен Хаг МЮга учта футболчи танлади

“Манчестер Юнайтед” билан ҳамкорликни расмийлаштирган нидерландиялик мураббий Эрик тен Хаг ёзда янги жамоасига олинадиган уч нафар футболчининг номини эълон қилди.

Клуб раҳбарияти унга трансферлар учун 180 миллион евро ажратади. Тен Хаг бу суммага “Бенфика” тўпурари Дарвин Нуньес, “Аякс” ҳимоячиси Юрриен Тимбер ва “Вильярреал” вакили Пау Торресни трансфер қилишни истамоқда.

Тен Хаг манчестерликларнинг ҳозирги таркибидан Эрик Байи, Фил Жонс, Антони Марсьяль, Алекс Теллес ва Аарон Ван-Биссаканинг хизматларига эҳтиёж йўқлигини таъкидламоқда.

Нидерландиялик мутахассис манчестерликлар билан 2025 йилнинг ёзигача ҳамкорлик қилади. Агар ишлар яхши кўриниш олса, томонларда ҳамкорликни узайтириш имконияти ҳам бор.