Роналду Мбаппега қандай баҳо берди?

“Ан-Наср” ҳужумчиси Криштиану Роналду собиқ жамоаси “Реал”да ўйнаётган Килиан Мбаппе жаҳон футболида катта натижаларга эриша олишига ишонишини айтди ва бунинг сабабларини келтириб берди.

- Мбаппе ўз вазифасини яхши уддалай олади, деб ўйлайман. Чунки бу клубда ички муҳит тўғри йўлга қўйилган, ажойиб тизим тадбиқ қилинган, зўр мураббий ва анчадан бери самарали ишлаётган президент бор, - деди Криштиану Роналду.

Жаҳон футболининг энг қимматбаҳо юлдузларидан бўлган Килиан Мбаппе илк бор легионер сифатида тўп тепмоқда. 25 ёшли тўпурар илгари Францияда “Монако” ва “Пари Сен-Жермен” клублари шарафини ҳимоя қилган.

Эркин агент сифатида Мадридга келган франциялик футболчи “Қироллик клуби” билан 2029 йилнинг ёзигача давом этадиган шартнома имзолади.