“Roma” va “Feyenoord” to‘qnashuvi katta janjal bilan boshlandi (Foto)

“Roma” va “Feyenoord” ilk marotaba o‘tkazilayotgan Konferentsiyalar ligasi turnirining bosh sovrini uchun o‘zaro to‘qnash keladi. Final Albaniyaning Tirana shahrida  bugun Toshkent vaqti bilan 00:00 da boshlanadi.

Futbolchilar muhim o‘yinga tayyorlanayotgan bir paytda ularni qo‘llabyu-quvvatlash uchun Italiya va Niderlandiyadan kelgan ashaddiy fanatlar Tirana shahrida to‘polon ko‘tardi.

Ma’lumotlarga qaraganda, janjalli vaziyatlar shaharning uchta hududida kuzatilgan.

Ulardan birida “Feyenoord” tarafdorlari “Roma”ga yon bosgan alban muxlisini kaltaklab, unga tan jarohati yotkazgan.

Rotterdam klubining 200 nafarga yaqin ashaddiy fanati shaharning “Roma” muxlislari joylashgan qismiga o‘tish uchun politsiya bilan to‘qnashgan.

Rimlik ishqibozlar ham raqib tomon fanatlaridan qolish yo‘q. Ular politsiyachilarga kaltak va toshlar bilan hujum qilgan. Oqibatda politsiya avtobusiga jiddiy ziyon etgan.

Shaharning turli hududlarida yuz bergan to‘qnashuvlarda o‘n nafar politsiyachi yaralandi, har ikki jamoaning oltmishdan ziyod fanatlari hibsga olindi.