Mourinoni kutayotgan APL klubi nomi ma’lum bo‘ldi

“Fenerbahche”ni boshqarib kelayotgan Joze Mourino yana Angliya Premer-ligasida faoliyat yuritish imkoniga ega bo‘ldi.

Avvalroq, portugaliyalik mutaxassisni Angliya Premer-ligasi vakillaridan biri bosh murabbiylikka chaqirayotgani haqida xabarlar tarqatilgan edi.

The Sun nashri tajribali murabbiyni “Everton” hamkorlikka taklif qilayotganini yozmoqda. “Everton” joriy mavsumda ligada qolish uchun kurashmoqda.

Mourino bunga qadar “Roma”, “Tottenxem”, “Manchester Yunayted”, “Chelsi”, “Real”, “Portu”, “Leyriya” va “Benfika”da ishlagan.