"Milan" ko‘zlagan futbolchisini sotib ololmayapti

Londonning "Tottenxem" klubi himoyachisi Yafet Tanganga faoliyatini Italiya A Seriyasida davom ettirishi mumkin.

Jurnalist-insayder Fabritsio Romanoning so‘zlariga ko‘ra, 22 yoshli futbolchiga "Milan" jiddiy qiziqib qolgan. "Rossonerilar" Yafetni mavsum oxirigacha ijaraga olmoqchi, ammo "shporlar" uni davralar oralig‘ida qo‘yib yuborishni xohlamayapti.

Shu sababli "Milan" bu borada “Manchester Yunayted” himoyachisi Erik Bayi va PSJ himoyachisi Abdu Dialloni zaxira nomzod sifatida ko‘z ostiga olib qo‘ygan.

Tanganga joriy mavsum “Tottenxem” safida jami 17 ta o‘yinda ishtirok etdi.