"Manchester Yunayted" Ronalduga suyanmaydi!

Krishtianu Ronalduning “Manchester Yunayted”dagi kelajagi hamon mavhum bo‘lib turibdi.

Manchesterliklar bosh murabbiyi Ralf Rangnik kelasi mavsum jamoa portugaliyalik yulduzga tayanmasligini bildirdi. U Ronaldu jamoaning haqiqiy etakchisiga aylanishiga ishonmayapti.

To‘purarning o‘zi agar jamoa Chempionlar ligasiga chiqa olmasa, klubni tark etishini ma’lum qilgan.

Krishtianu joriy mavsumda premer-ligada 23 ta uchrashuvda qatnashib, to‘qqizta gol va uchta assist muallifi bo‘ldi. O‘tgan yilning avgust oyida manchesterliklar uning transferi uchun “Yuventus”ga  15 million tevro to‘lagan edi. Amaldagi shartnoma 2023 yilning yoziga tuzilgan.