Маҳмудхожиев фаолиятини про лигада давом эттиради

Истеъдодли футболчилардан бири Шохруҳ Маҳмудхожиев бошланаётган янги мавсумни про лигада ўтказадиган бўлди.

Гап шундаки, ўтган йили биринчи лигада қатнашиб, бу йил про лига йўлланмасини қўлга киритган “Навбаҳор-Фарм” жамоаси Маҳмудхожиевни ўз сафига қўшиб олди.

Футболчи билан 2 йиллик шартнома имзоланди. Бунгача Маҳмудхожиев “Андижон” жамоаси билан қишки йиғинда иштирок этганди. Қолаверса, Шохруҳ илгари “Навбаҳор” таркибида тўп сурганини мухлислар яхши эслайдилар. Шунингдек, у “Пахтакор”, “Хўжанд” ва “Динамо” жамоаларида ҳам ўйнаган.