Лапорта "Реал"дан учралган мағлубиятдан сўнг футболчиларга жиддий мурожаат қилди

"Барселона" президенти Жоан Лапорта "Эл-класико"даги мағлубиятдан кейин жамоа футболчиларига руҳий кўмак берди.

Каталонияликлар 10-тур доирасида "Реал" билан сафарда 1:2 ҳисобида мағлуб бўлди. Натижада мадридликлар жадвалдаги устунлигини 5 очкога етказди.

"Marca" нашрининг хабарига кўра, "Эл-класико"дан бир кун ўтиб, Лапорта жамоа базасига ташриф буюриб, футболчилар олдида қисқа мотивацион нутқ сўзлаган. Унинг бу ҳаракати орқали жамоани қўллаб-қувватлаётганини кўрсатган, чунки "Реал"дан енгилиш ичкаридаги муҳитига таъсир қилиши мумкин эди.

Манба маълумотига кўра, Лапорта бош мураббий Ханс-Дитер Флик ва жамоага ишонч билдирган. Унинг фикрича, "Барселона" ҳали ҳам барча мусобақаларда чемпионлик учун кураша олади.