Жулио Сезар 2010 йилдаги Чемпионлар лигаси финалини эсга олди

Собиқ "Интер" дарвозабони Жулио Сезар 2010 йилда "Бавария"га қарши финалда қўлга киритилган ғалаба ҳақида тўхталди.

"Жозе Моуриньо — бизнинг мураббийимиз — ўша кечада бўлган ҳамма нарсада муҳим роль ўйнади. У ҳар биримиздан максимални олишни биларди. Ўйин олдидан қилган нутқи билан бизга ишонч бағишлади. Биз аллақачон скудетто ва Италия кубогини қўлга киритган эдик ва треблга бир қадам қолганди.

“Интер” 45 йилдан бери Европанинг чемпиони бўлмаган, аммо бу бизга босим қилмади.

Диего Милито "Сантьяго Бернабеу"да ажойиб ўйин намойиш этди — бу тарихий чиқиш эди. Ўша кечада ҳеч ким ухламади, ғалабадан кейиноқ байрам бошланди", — деди Жулио Сезар.