"Интер" ҳужумчиси "Наполи"га ўтади

"Интер" ҳужумчиси Маттео Политано тез орада "Наполи" футболчисига айланади. Бу ҳақда Sky Sport Italy мухбири Фабрицио Романо ўз твиттер саҳифасида маълум қилди.

Юқоридаги манбаанинг ёзишича неаполликлар 26 ёшли футболчининг трансфери масаласида “нерадзуррилар” билан келишувга эришишган. Унга кўра “Наполи” Политано учун миланликларга 25 млн евро тўлайди. Энди футболчи янги жамоасида тиббий кўрикдан ўтиши ва шартнома имзолаши қолди холос.

Маълумот учун, Маттео Политано жорий мавсум “Интер” сафида жами 15 та ўйинда майдонга тушди.