"Манчестер Сити" ҳужумчисига нарх белгилади

Англия термаси вингери Жек Грилиш бу йилги трансферлар ойнасида "Манчестер Сити"дан кетиши мумкин. Бу ҳақда "The Sun" нашри хабар берди.

29 ёшли футболчига "Наполи", "Ньюкасл" ва Лондоннинг "Тоттенхэм" клублари жиддий қизиқиш билдирмоқда. "Шаҳарликлар" эса Грилишни 46 миллион евро эвазига қўйиб юборишга тайёр.

Ўтган мавсумда Жек "Сити" таркибида 32 та учрашувда иштирок этиб, 3 та гол ва 5 та голли узатма билан жамоасига ёрдам берди.

Маълумот ўрнида, футболчининг амалдаги шартномаси 2027 йил ёзигача амал қилади.