"Barselona" sindimi?

"Atletiko" bosh murabbiyi Diego Simeone "Barselona"ning kuchi haqida o‘z fikrlari bilan o‘rtoqlashdi.

Eslatib o‘tamiz, kecha “matraschilar” La Ligada “Almeriya”ni (2:1) mag‘lub etib, qatorasiga oltinchi g‘alabasini qo‘lga kiritdi, “ko‘k-anorranglilar” esa “Xetafe”ni mag‘lub eta olmadi (0:0). Ammo Xavi Ernandes shogirdlari 73 ochko bilan turnir jadvalida hamon peshqadam bo‘lib turibdi. Ular «Real» va «Atletiko»dan mos ravishda 11 va 13 ochko oldinda borishmoqda.

“Natijalar shuni ko‘rsatdiki, bu mavsumda “Barselona” chempionatda hammadan ustun, ammo hozir jamoada jarohatlar ko‘p, so‘nggi ikki o‘yinda durang qayd etilgan. Bugungi o‘yinimiz esa meni menga optimistik ruh bag‘ishlamoqda”, - dedi Simeone Mundo Deportivo nashriga bergan intervyusida.

Ma’lumot uchun, La Liganing navbatdagi turida "Barselona" o‘z maydonida "Atletiko"ni qabul qiladi. Ushbu uchrashuv 23 aprel kuni bo‘lib o‘tadi.