“Barsa”ga tekinga boraman!

“Bavariya” va Germaniya terma jamoasi hujumkor futbolchisi Leroy Sane joriy mavsum yakunlanganidan keyin Kataloniyaga ko‘chib borishni rejalashtirmoqda.

Sport.es saytining yozishicha, 28 yoshli futbolchi myunxenliklar bilan shartnomasi tugaganidan keyin erkin agent sifatida “Barselona” safiga qo‘shilmoqchi.

Manbaga ko‘ra, “Barselona” ham Sane bilan hamkorlik qilishga moyillik bildirmoqda. Jamoa bosh murabbiyi Xans-Diter Flik ilgari Leroy bilan birga ishlagan va ustoz-shogird o‘rtasida do‘stona aloqalar saqlanib qolgan.

“Bavariya” Sane bilan yangi bitim tuzishga harakat qilyapti. Bu futbolchiga “Chelsi”, “Tottexem” va “Manchester Yunayted” kabi klublar ham ish berishga tayyor.