“Барса” биринчи кимдан воз кечиши аниқ бўлди

Испания чемпионлигини қўлга киритган “Барселона” таркибида ҳам жиддий ўзгаришлар бўлади. Бош мураббий Хави келаси мавсумда ўзи фойдаланмайдиган ўйинчиларни сотиб юбориб, улардан бўшаган жойга янги ижрочиларни олиб келмоқчи.

Diario AS нашри журналисти Хави Мигельнинг ёзишича, “Барселона” мутасаддилари янги трансферларга қўл уриш учун камида учта ўйинчисини сотиб юбориш шартлигини тасдиқлаган.

Маълумотларга қараганда, биринчи бўлиб клубни Франк Кесси тарк этади. Бу футболчи ўтган йили “Милан”дан эркин агент сифатида келган эди. Унинг ўйини “барса”га тўғри келмади.

Бундан ташқари, каталонияликлар ҳужумкор футболчилар – Ансу Фати, Ферран Торрес ҳамда ҳимоячи Эрик Гарсияни сотиб юбормоқчи.