Адҳамзода: "Нефтчи" футболчилари бу сафар анча тартибли ўйнашди"

"Пахтакор" Суперлига 21-туридан ўрин олган "Нефтчи"га қарши учрашувда 2:1 ҳисобида ғалаба қозониб, турнир жадвалида 3-ўринга чиқиб олди. Баҳсдан кейин Умар Адҳамзода ўз фикрлари билан ўртоқлашди. 

Бугунги ўйин режадагидек ўтди. Фақатгина қизил карточка бўлиб қолди. Шу сабабли, озгина қийналдик. Келган мухлисларга раҳмат айтамиз. 

Биринчи учрашувдаги "Нефтчи" билан ҳозиргисини ўртасида фарқ борми?

Бу сафар анча тартибли ўйнашди. Ўтган баҳсда балки бизга яхши баҳо беришмагандур, лекин бугун анча мазмунли ҳаракат қилишди. 

Сиз майдонда кўриниши бермай қўйгандингиз. Бунга асосий сабаб нима?

Иккинчи давра бошланишида жароҳат олгандим. 4 та ўйин ўтказвордим. Худога шукур, секин сафга қайтмоқдамиз. 

Маълумот учун, Адҳамзода биринчи даврадаги ўйинда 2 та гол урган эди. "ЖАР"даги беллашувда у 62-дақиқада захирадан майдонга тушди.