Янги мураббий машҳур ўйинчини ҳайдаяпти
- 2-июл 2025, 12:42
- Zohir Toshxo’jayev
- 0
- Футбол
“Тоттенхэм”нинг янги бош мураббийи Томас Франк жамоа таркибини ўзига мослашга киришди. Англиядаги манбаларнинг ёзишича, бу мутахассис машҳур юлдуз Ришарлисонга чиқиш эшикларини кўрсатган.
“Тоттенхэм” бразилиялик футболчини 2022 йилнинг ёзида “Эвертон”дан 50 миллион фунтга трансфер қилган эди.
Бироқ Лондон клубига келганидан кейин ҳужумкор футболчи жароҳатлар туфайли юқори даражада ўйнай олмади. Ришарлисон “шпорлар” таркибида жами 90 та учрашувда 20 та гол ва 10 та ассист муаллифи бўлди.
Орада 28 ёшли ўйинчи собиқ жамоаси “Эвертон”га қайтмоқчи бўлди. Лекин “ирислар” устози Дэвид Мойес бунга йўл қўймади.
Трансфер бўйича экспертларнинг таъкидлашича, айни пайтда бразилиялик юлдузга Англия Премьер-лигасидан таклиф йўқ. Ришарлисон Туркияга чемпионатига йўл олиши кутиляпти.