Ямал: Ана, ўрнимга Фати ўйнасин!

Европа Чемпионлар лигасининг чорак финал биринчи учрашувида “Барселона” футболчилари ўз мухлислари кўз ўнгида Дортмунднинг “Боруссия” клубини 4:0 ҳисобида мағлубиятга учратди.

Беллашувда Рафинья ва Ламин Ямал биттадан гол урган бўлса, Роберт Левандовски дубль қайд этди.

Ўйин охирида қизиқ ҳолат юз берди. Бош мураббий Ханс-Дитер Флик 86-дақиқада Ямал ўрнига Ансу Фатини майдонга туширди.

Журналист, Тони Хуанмартининг ёзишича, 17 ёшли юлдуз бош мураббийга унинг ўрнига айнан Ансу Фатини туширишни ўзи сўраган. Ямал 22 ёшли ҳужумкор футболчи январь ойидан бери ўйнамаётганини инобатга олиб, унга ўйин амалиёти берилишини таъминлади.

Эслатиб ўтамиз, Ламин Ямалнинг жамоадаги мавқеи айни пайтда Ансу Фатидан юқори баҳоланаётган бўлса-да, у ўтган йили жамоадошига бўлган ҳурмати юзасидан унга тегишли 10-рақамни олишни рад этганди.

Энди “Барселона” 12 апрель куни Испания чемпионати доирасида “Леганес” меҳмони бўлади ва уч кундан кейин сафар “Боруссия”га қарши жавоб ўйинида майдонга тушади.