Холандни “Реал”га ўтишга кўндиришдими?

Европа матбуотининг ёзишича, “Манчестер Сити” ҳужумчиси Эрлинг Холанд ёзги трансферлар ойнаси даврида Мадриднинг “Реал” клубига ўтиши мумкин.

El Chiringuito нашри маълумотига кўра, “Реал” президентлигига номзод Энрике Рикельме норвегиялик футболчи ва унинг отаси билан тўлиқ келишувга эришган.

“Шаҳарликлар” тўпурари ҳам ўз кучини Ла Лигада, хусусан, “Қироллик клуби”да синаб кўришга қарши эмаслиги айтилмоқда.

Бироқ футболчига амалдаги президент Флорентино Перес ҳам анчадан бери қизиқиш билдириб келмоқда ва у ҳам яқин вақтларда катта трансфер ҳақида эълон қилишини айтган.

Transfermarkt мутахассислари Эрлинг Холанднинг бозор қийматини 200 миллион евро деб баҳоламоқда. Премьер-лиганинг энг яхши тўпурари июль ойида 26 ёшга тўлади.