Велоспорт. Париж Олимпиадасида иштирок этадиган спортчимиз номи эълон қилинди

Маълумки, велоспорт бўйича Ўзбекистон терма жамоаси Париж-2024 ёзги Олимпия ўйинларига 4 та йўлланмага эга чиққан эди. Шоссе дастурида қўлга киритилган мазкур лицензиялардан 3 таси аёллар, 1 таси эркаклар терма жамоаси улушига тўғри келган бўлиб, терма жамоа мураббийлар штаби мусобақада иштирок этадиган аёл спортчилар номини анча аввал эълон қилган эди.

Мамлакат велосипед спорти федерациясининг маълум қилишича, эркаклар терма жамоаси учун тақдим этилган йўлланма Дмитрий Бочаровга насиб этди. Ҳамюртимиз бўлажак мусобақада гуруҳ пойгаси дастурида иштирок этади.